Otas Foun

 Hare labarik sira nia hamnasa midar, hanesan laiha todan ida iha sira nia moris... Maibe wainhira ita hare didiak sira nia moris sei dook hosi be'e moos, moris saudavel no fasilidade diak iskola nian.... Espera sira hadomi nia futuru liuhosi aprende no hakaas an atu istuda.... bom susesu alin sira....

Lacluta nia otas  foun



Inagurasaun Parokia Lacluta

Asina Plaka iha ceremonia inagurasaun Parokia Sto. Antonio Lacluta

1.     





Koru Sto. Antonio iha Okaziaun Nasional




Koru Sto. Antonio Lacluto ho Dom Basilio



Ceremonia Inagurasaun Kapela Sto. Francisco Xavier, Laline iha Aitana

Durante okupasaun Indonesia, Aitana sai fatin ne’ebé proibidu ba populasaun sira atu ba, tamba ailaran tuan no diskonfia katak bele populasaun sira bele halo klandestina iha ne’eba. Aitana nakonu ho abat oi-oin, balada oi-oin no aihahoris barak mak moris to’o fuan no istraga. Wainhira ukun an, populasaun sira fila hikas ba sira nia knua

Kapela Sto. Francisco Xavier Laline iha Aitana

Simu Nai Lulik sira ho lisan rai ne'e nian

Asina Plaka iha Ceremonia Inagurasaun Kapela Sto. Francisco Xavier



Grupu Koru iha Inagurasaun Kapela Sto. Francisco Xavier Laline, Aitana



Fatin ne’e mak loke ha’u nia hanoin no hamamar hau nia liman atu hatene lee no hakerek ABC, ahtene sura 123 no hatene kanta do re mi. Kontente tebes tamba ha’u nia hanorin na’in iha uma, mak ha’u nia Aman doben sai mos hanesan hanorin na’in iha iskola. kondisaun iskola mak hanesan ne’e… uluk iha tempu Indonesia, fatin ne’e furak loos, maibé agora namlaik tiha hanesan ne’e…

Kontrusaun Eskola Primaria no.1 Dilor





Sede Administrasaun sub distritu Lacluta

 Sede Administrasaun Sub Distritu Lacluta harí iha tempu Indonesia, Administrador troka dalabarak ona maibé fatin hodi hala’o knar mak nune’e nafatin. Dalabarak ita haree animal sira han du’ut fresku iha fatin ne’e. Fatin ne’e luan no bokur tamba ne’e ita lalika hakfodak wainhira haree balada sira han ho kontente iha laran. Espera administrador iha hanoin atu renova sede ne’e sai fatin ne’ebé diak ba ema hodi hala’o servisu.



Haris we manas iha Aitana

  Dalan ba Aitana loke tiha ona. Ho nune’e habadak ona oras hosi Dili-Lacluta-Dili. Dalan ne’e fó benefisiu boot ba Lacluta oan sira, atu bele hare Aitana nia furak no sente orgullu ba rai ida ne’e.


Paisagem iha Aitana, Lacluta

 



Sente anin fresku iha Aitana



Kampu tebe bola iha Lacluta

Iha suku Dilor, iha kampu tebe bola, iha kalohan leten, iha tempu loro hakiduk atu falun an, ita bele haree kalohan nia moos no haree du’ut nia fresku, tamba populasaun sira sidauk iha konsiente atu servisu hamutuk hodi hamoos tiha du’ut sira, nune’e sira moris ho ksolok no buras. Maibé nia kria moras oi-oin ba ita ema.


Haree kalohan wainhira loro matan laiha, hosi kampu tebe bola Lacluta







Natar iha Lekirei

Maternidade Lacluta



Maternidade Lacluta

Fatin hahoris ba inan sira. Agora iha ona infermeira/parteira sira ne’ebé bele tau matan iha oras barak ba inan ho bebe sira wainhira sira presiza. Ida ne’e hanesan pasu importante ida iha dezenvolvimentu setór saude iha sub distritu Lacluta. Espera infermeira/parteira no mós dotoro/a sira bele atende ema moras ho sira nia laran, profesionalismu no ho kuidadu. 

Estrada iha Lacluta Vila

Istrada iha Lacluta ne’e, ha’u ladun hanoin, istrada ne’e halo horibainhira, maibé se hau lasala, projetu istrada ne’ebé implementa iha Lacluta la’os ituan deit maibé kondisaun real mak hanesan ne’e….

Mota entre suku Laline no Dilor

Mota Kauho’o ou Mota Dotik, mota entre suku Laline no suku Dilor. We hosi mota ne’e tulun populasaun sira liu-liu iha tempu wailoro. Maibé kuandu iha tempu udan, we ne’e bele lori susar ba populasaun sira, hanesan lori animal, halo rai monu I bele mós lori ema tamba we tun ho volume ne’ebé as. Husu ba populasaun sira atu kuidadu malu iha tempu udan. 

Mota Kau ho'o/Mota Motik



We manas iha Aitana

We manas iha Aitana sai fatin ne’ebé importante tebes atu kuidadu. Iha mós fiar tradisional iha Lacluta katak we manas ne’e bele kura moras. 



foho Aitana iha aprezentasaun nasional


Foho Aitana la’os deit sai na’in ba ema Lacluta maibé mós hanesan simbólu potensial iha distritu Viqueque. Iha eventu nasional ida ne’ebé hala’o foin lalais ne’e, distritu Viqueque aprezenta foho Aitana hanesan fatin potensial iha distritu Viqueque.

Iskola Pre-Sekundaria iha Lacluta, fatin ne’e produs ema matenek barak ona. Maske ha’u la iskola iha ne’e maibé ha’u kontente katak iha ema Lacluta oan barak mak sai hosi ne’e no hetan ona susesu iha sira nia moris. Husu ba mestre sira atu mantein sistema hanorin ne’ebé diak ba estudante sira. 


EPS Lacluta

 


Ambiente iha EPS Lacluta